«នឹង» «និង» និង​ «ហ្នឹង»

«នឹង» «និង» និង«ហ្នឹង»

==========

ដោយសង្កេតឃើញថាមានការយល់ច្រំ សរសេរខុស និងប្រើប្រាស់ខុសភាគច្រើននៃពលរដ្ឋខ្មែរយើង ដូច្នេះការប្រើប្រាស់ពាក្យ "និង" និង "នឹង" មានបួនប្រភេទដូចខាងក្រោមនេះ៖

១) "នឹង" ជាកិរិយាសព្ទ័ បញ្ជាក់ពីអនាគតកាល = will/be going to។ ឧទាហរណ៏ ខ្ញុំនឹងរៀបការនៅ៥ឆ្នាំខាងមុខទៀត។

២) "នឹង" ជាគុណនាម បញ្ជាក់ពីអ្វីមួយនៅនឹងថ្កល់ = stable។ ឧទាហរណ៏ ទឹកនៅនឹងថ្កល់។ សូមឯងឈរឲ្យនឹង។

៣) "នឹង" ជាធ្នាក់សម្រាប់ទាក់ = preposition។ ដូចជា to, with, at, etc. ឧទាហរណ៏ ខ្ញុំពេញចិត្តនឹងសំណួរដែលគាត់សួរណាស់។

៤) "និង" ជាឈ្នាប់សំរាប់ភ្ជាប់=conjunction ដូចជា and, or, etc. ឧទាហរណ៏ នាងនិងខ្ញុំលេង comments ក្នុង Facebook ជាមួយគ្នា។ ចក់និងចែមលួចស្រឡាញ់បុប្ផា។

===========

បញ្ជាក់ៈ សូមបងប្អូន កុំច្រឡំវាជាមួយនឹងពាក្យ "ហ្នឹង" អោយសោះ។  ការប្រើប្រាស់និងន័យគឺខុសគ្នាដាច់។ ឧទាហរណ៏ ផ្សារ​ហ្នឹងឈ្មោះផ្សារអង្គរ។ ទីនេះមានន័យថា ហ្នឹង= នុះ (this, these, that, here, there, right here, right now, and so)។ មានដូចជា៖ ហ្នឹង​ហើយ! ហ្នឹង​ឯង! ដំណើរ​ហ្នឹង! ហ្នឹង ខឹងនឹងខ្ញុំមែនទេ​? ។ល។ នេះជាឧទាហរណ៏មួយផ្នែកតូចប៉ុននោះ។ អ៊ីចឹងសូមស្វែងយល់ទាំងអស់គ្នា! អរគុណ!

ចំណាំ៖ សូមចូលរួមសរសេរអក្សរជាតិឲ្យបានត្រឹមត្រូវទាំងអស់គ្នា​ ។